Nire NIA irudikatzen

Azkeneko sarreran, lucidchart erabiliz,  buruko mapa bat egin nuen nire NISa irudikatzeko, eta oraingo honetan, Amaia Arroyok bideo batean gure NIA irudikatzeko jarraibide batzuk eman dizkigu. Berak aholkatutako tresnen artean, minmup eta Goconqr frogatu ditut eta azkenean, Goconqr erabili dut nire NIA irudikatzeko buruko mapa baten bidez.

Buruko mapak asko gustatzen zaizkit, pentsamendua ikusgai egiteko (TBL eta Visible Thinking) oso tresna baliagarriak direla iruditzen zaidalako eta nire ikasleekin asko erabiltzen ditut  nahiz eta askotan paperez egiten ditugun. Nik buruko mapak egiten ikasi nuenean, azpimarratu zidaten koloreak eta forma kurbatuak garrantzia handia dutela, eta baita ideien artean egin daitezkeen loturak ere, hauek, sormena garatzeko  lagungarriak direlako. Iruditu zait Goconqr egokiago dela, Mindmup-ek lerroak oso finak egiten dituelako (edo behintzat nik ez dut asmatu lodiagoak egiten).

Asko jotzen dut gailu teknologikoetara eta internetera informazioa bilatzeko, klik batera dugu eta oso erosoa da, edozein momentuan eta lekuan, baldin eta interneterako konexioa badugu, edozein zalantza argitu dezakegulako. Tresnak ere dezente ezagutzen ditut, behintzat nire beharrei erantzuteko gai naiz eta edozein momentuan zerbait behar badut nahiko autodidakta naiz eta youtube-ko edozein bideorekin lortzen dut nire helburua betetzea. Hori bai, kosta egiten zait, hauek guztiak nire egunerokotasunean gero eta maiztasun handiagoarekin txertatzea. Motibazioa eta interesa topera ditut eta ikastaro hau oso baliagarria egiten zait nire “bizitza digitala” modu eraginkorrean bizitzen hasteko.

Nire NIA irudikatu ondoren esan daiteke nire buruko mapa gehienon antzekoa dela, ez du berezitasunik, baina esan dudan bezala, orain konszienteagoa naiz zer den egin behar dudana edo zer pauso eman behar ditudan nire NIA hobetzeko.

NIA irudikatzen_Karmele Blanco