NIA idealari buruzko hausnarketa (talde lana)

Izenez bakarrik ezagutzen garen 6 pertsona elkartu eta guztion artean NIA irudikatzen aritu gara. Ana Leiba, Uxue Zabala, Sonia Rodríguez, Cristina Etxeandia, Alaitz Etxebarria eta ni neu izan gara 2. taldeko partaideak eta guztion ekarpenekin lortu dugu NIA irudikatzea.

Ia ia, DIGCOMP eredua jarraitu dugu eta 4 adar nagusien inguruan aritu gara, hala nola, informazioa bilatzea, komunikatu eta kolaboratu, edukiak sortzea eta arazoak konpontzea. Hala ere segurtasuna kanpoan utzi dugu eta niri behintzat erronka berri bat zabaltzen zait hemen. Nik ere nire NIA egin nuenean adar berak erabili nituen, baina taldean egin dugun honetan askoz ere tresna gehiago azaltzen dira, nahiz eta horietako batzuk ez ditudan ezagutzen edo ezagutzen baditut ez ditudan erabiltzen.

Ikastaroaren hasiera aldera, Amaia Arroyok, NIA garatzeko beharrezkoan diren 4  elementu erakutsi zizkigun eta gu buruko mapa honen bidez baliabideetan oinarritu gara.

Pertsonalki, ikastaroa izugarri baliagarria izan zait nire konpetentzia digitalaren inguruan, NIAren kudeaketaren inguruan eta nire identitate digitalaren inguruan hausnartzeko. Tresnak garrantzitsuak dira zerbaitetarako erabilgarriak egiten zaizkigun heinean baina hauek aldatuz joango dira beharraren eta momentuaren arabera.  Orain, DIGCOMP eredua ezagutzen dut eta gai naiz esateko zeintzuk diren nire NIA hobetzeko jarraitu behar ditudan urratsak. Nire NISa zabaldu dut  eta nire burua prest ikusten dut nire ezagutzak modu digitalean ere, besteekin partekatzeko.

Taldean osatu dugun NIArekin modu batean identifikatzen naiz, baina lehen aipatu dudan bezala bertan azaltzen diren hainbat baliabide ez ditut ezagutzen eta ez zaizkit beharrezkoak egiten baina beste batzuk ordea nire NIA pertsonalari gehituko dizkiodala argi dut.

Lana egin behar izan dut eta hainbat momentutan loari orduak lapurtu dizkiot baina esan dezaket merezi izan duela. Mila esker nirekin bide hau egin duzuen guztioi eta gidari lanetan izan dugun Amaia Arroyori!